Posts
Wednesday, March 7, 2007
'This is a dialogue I came up while reading Mumtaz Mufti's work in the books, Labaik and Ali Pur ka Aali, this is just a few of what I remember, rest lost in a certain state of mind, often I question and often I agree of the words written and brought to a degree.'
__________________
Mumtaz Mufti: "Dua kay amal main dua jumlay ki nahin balkay mangnay k fail ki ahmiat hoti hai aur mangnay main Ahsas-e-baybasi hota hai, Nidamat hoti hoti hai, Riqqat hoti hai aur jis say manga jaye us ki azmat ka ahsas hota hai."
Shan: "Tu kia maut do mujh ko, meri nidamat hai? riqqat hai? Ya azmat?haan shayed Ahsas e baybasi hai.."
------
Shan: "Mein tum se poochta houn Mumtaz! Akhir keyun likhtay ho jub phernay wala apni sumhaj se pherta hai, jitni dufa bhi pherta hai har bar alag tareeqay sey sumhajta hai.. Kia jo baat hum asal mein kehtay hain wo koi nahi sumhajta? Alfaz apna madar khonay keyun lugtay hain...Haan! Shayed tum bhi na jano Mumtaz, yeh baat tumharay tuk kasay pohanch sukhti hai.. yeh tu sirf tum se meri hum-kalami hai"
------
Mumtaz Mufti: "Woo kabey ki seerhiyoon pay aapny lathi par munh rakh kar baitha her janey waly ko hasrat sey dekh raha tha ..jaisay keh raha hoo...mujhay bhi saaath lay jaooo..mujhy bhi aapni saaath lay jaooo... lakin koi us ki taraf nahi dekh raha tha..orr saab aapni aapni neeikyooon ki poootliyaan thamey niklay jaa rahey thay.."
Shan: "Mumtaz! tum ju deekhrahay they..haath hi dey detay.."
Mumtaz Mufti: "Aab mery intakhab pay bhi koi FATWA na maar dena ..."
Shan: "Haan! yeh perhna bholgiya tumharai kitaab sey, nichay hi likha tha tum ney..aur yeh bhi ke 'Sahiboo...Ya ISHQ hey...es ka AIEEEN bhi utar giya na tum par tu...Pa jaoo gay ...saab Pa jao gay..ahh!!MeheL..'"
------
Mumtaz Mufti: "Ausaaf hamein aik dossrey ke qareeb nahee laatey, kamzoriyaan laatee hein , khaamiyah , kotaahiyan , kaj rawayiaan laatee hein."
Shan: "Haan! Yaadien bhi, Duwayein bhi aur Ausaaf ko tum nahi mantay.."
------
Shan: " Ali pur ka alie mein tum ney humharay jasay loogoun ki khob akasi ki hai, sumhaj sukhta houn ke shermelay loog kabhi, sahi baat apnay lab per nahi la patey, aur aksar humhari khamoshi loogoun ko intiqaam per le ati hai, tumharay baap ney bhi tum per buhat zulam kia, sirf iss liye ke zaida bol nahi patay thay...humdardi hai mujeh tum sey.. tumhein perdh ker aaj dil ka booj halka hoa jata hai, afsoos sirf iss baat ka hai ke meri guftago tum se zeroor hai muger tum sirf kitaab se boltey ho..aur mujeh sun nahi patay..tumhari yeh kitaab bhi pehrnay se phelay loogoun ney mujeh se kaha ke, sach hazam nahi ker paoun ga mein..per shayed itna sach acha luga, meray myar per utra, shayed iss liye kuch dard kum hai."
" Mumtaz kia tum asi majboori aur baybasi ko jantay ho, ju intaqaam ki shuqaal bunaleti hai, mein shayed janta houn asi majboori aur baybasi ko.. Iss liye dukh nahi hai zaida, muger dard hai..Aur pher, Iss ulfat mein kia khoya..aur kia paya hai.."
"Per Mumtaz kabhi kabhi..humhein asi majboori aur baybasi ko sara lena perta hai, aur uger mein theek houn apni baat per tu yehi hai..sunney ko baysunna nahi kehtay..aur jannay ko bayjani mein nahi ura sukhtay hum..."
Subscribe to:
Post Comments (Atom)
1 comments:
hmmm, beautiful indeed.
jo kaha, alfaz kay baaray main, bilkul sach kaha, kabhi ham sochay samjhay baghair apnay alfaz likh kar, suna kar fakhar mehsoos kartay hain, magar shayad is baat par kabhi ghaur nahin kartay keh alfaz kay mayeni ham apnay qalam, apnay jazbaat aur khayalat se doosray insaan kay khayalat main muntaqil kartay waqt kho rahay hotay hain, kho chukay hotay hain. Kia is se yeh bhi samjha jaa sakta hai keh koi insaan hamaray alfaz ki gehriyee ko samajh nahin sakta?
shayad.
shan, tum mumtaz se guftugoo kartay ho. Beshak yeh tumhari apni zaat main ubharnay walay sawal, aur shayad kuch zakhmon ka marham hai, magar yeh aik aur insaan, jo keh yeh guftugoo parhta hai, us keh liye bhi shayad khayal ko ujaagar karne ka sabab hai. Tumhari soch ka mazhar tau hai hee, saath shayad kisi aur ki soch ki ghaza bhi.
waise i loved this part:
" khud hee haath day daitay"..
-beautiful :)
Post a Comment